الوصف

جرّبتشي مرّة سلاطة الأفوكا بالكروفات، مطعم خاص تقول بعدو البنّة وفات، صحين تودّ بيه العائلة ووصفة تنصح بيها أعزّ الصاحبات



المقادير

  • 400 غرام كروفات
  • 1 مغرفة صغيرة خلّ
  • 1 مغرفة كبيرة مايوناز
  • 2 كعبات بطاطا
  • 3 كعبات أفوكا
  • 1 مغرفة كبيرة معدنوس مقصوص
  • 1 رشة ملح

طريقة التحضير

  • 1 - اسمط الكروفات في الماء وقشّرها
  • 2 - قشر البطاطا وقصها مكعبات صغيرة واسمطها في الماء
  • 3 - صفّي البطاطا وخليها تستقطر ماها مليح
  • 4 - خلّط في صحفة: بطاطا + كروفات + معدنوس + مايوناز + ملح + خل
  • 5 - قصّ الأفوكا على اثنين ونحّي القلب متاعو
  • 6 - احشي الأفوكا بالخليط إلّي حضرتو
  • 7 - زين الصحن بالكروفات والمعدنوس وصحة وبالشفاء

نصيحة الشاف

الكل نعرفو إلّي الأفوكا مالفاكية إلّي تكحال فيسع وقت ما تتقص، وباش تستحفظ على لونها الأصلي خاصّة إذا ناوية تخمّل طرف منها مقصوص، حطّ معاها طرونش بسباس وسكّر الحكّة مليح