الوصف

بالخير نودّك ولأحسن ماكلة نشهيك، نخليك تذوق البنّة من صوابع يديك، والمرة هذي جرّب صوابع الريقوتة موش صوابع البريك



المقادير

  • 50 غرام زيتون مقصوص
  • 200 غرام ريقوتة
  • 1 مغرفة صغيرة ملح
  • 1 فص كعبة عظم
  • 2 مغارف كبار خميرة الخبز الفورية
  • 1/2 كأس حليب
  • 1/2 كأس زيت
  • 1 كيلوغرام فارينة
  • 100 غرام جبن مرحي

طريقة التحضير

  • 1 - خلّط مليح : فارينة + زيت + حليب + خميرة الخبز الفورية + ملح لين تتحصل على عجينة متماسكة وطرية
  • 2 - غطّي العجينة وخلّيها ترتاح باش تخمر
  • 3 - خلّط في صحفة الحشو: ريقوتة + جبن مرحي + زيتون مقصوص
  • 4 - حلّ العجينة فوق الطاولة بالقلقال وقصها طروف في شكل مستطيلات
  • 5 - خوذ مستطيل وحطّ فوقو مغرفة حشو ولف العجينة لين يولّي كيما الصبع
  • 6 - صفّف صوابع الريقوتة في طبق وادهنهم بأصفر العظم من الفوق وحطهم في الفور تحت درجة حرارة 180
  • 7 - صوابع الريقوتة حاضرين، تنجم تعمل معاهم سلاطة خفيفة وصحّة وبالشفاء

نصيحة الشاف

أسهل طريقة باش تاخو فص العظمة وحدو، خاصة كيف تبدى عندك كمية كبيرة، فقّص كعبة العظم في صحن وخوذ دبوزة فارغة، حطّ الفم متاع الدبوزة فوق أصفر العظمة وإنزل عليها، وقتها أصفر العظمة يولّي في الدبوزة ويقعد الأبيض في الصحن