الوصف

في عادات المساترية... طاولة رمضان ما تكون منصوبة مقديّة.. كان ما فوقها الشركاو من شطّ القراعيّة... ويا سعدها وهناها إلّي تعمل كسكسي الشركاو غداها...
وكان تحبّ تتعلّم تصنيف الجدود.. ما عليك كان اطبق الكلام الموجود



المقادير

  • 1 مغرفة صغيرة كركم
  • 1 مغرفة كبيرة هريسة
  • 1 مغرفة صغيرة تابل وكرويّة
  • 1 مغرفة صغيرة فلفل أكحل
  • 1 مغرفة كبيرة فلفل أحمر
  • 2 قرون فلفل أخضر
  • 2 كعبات طماطم
  • 2 كعبات قرع أخضر
  • 2 كعبات بطاطا
  • 1 راس بصل
  • 500 غرام كسكسي
  • 1 مغرفة كبيرة طماطم معجونة
  • 1 كأس زيت زيتونة
  • 500 غرام سمك الشركاو
  • 1 مغرفة كبيرة ملح أحرش
  • 0.5 مغرفة صغيرة ملح

طريقة التحضير

  • 1 - نظّف الشركاو بالملح الأحرش وحطّو في الماء
  • 2 - نحّي روس الشركاو ولفهم في السيلفان
  • 3 - قلّي الزيت + طماطم معجون + فلفل أحمر + تابل وكروية + فلفل أكحل + رشّة ملح + هريسة في مقفول
  • 4 - صب ماء دافي في المقفول
  • 5 - سقّط الخضرة في المقفول: طماطم + بطاطا + بصل + روس الشركاو الملفوفة في السيلفان
  • 6 - خرج الشركاو مالماء وفوحو
  • 7 - حطّ الشركاو في الكسكاس إلّي فوق المقفول
  • 8 - بثبث الكسكسي بشوية ماء وكركم وحطّو في الكسكاس فوق الشركاو
  • 9 - زيد القرع للمقفول وخليه يغلي لين يطيب
  • 10 - أقلي الزوز قرون فلفل
  • 11 - فرّغ الكسكسي مالكسكاس من غير ما تخلطو بالشركاو
  • 12 - زين الكسكسي بالخضرة والشركاو

نصيحة الشاف

روس الشركاو ترميهم بعد ما تكملّ التطييب، خاتر مفعولهم إنهم يسيبو مطعم بنين في المرقة وموش باش ناكلوهم