الوصف

المثل يقول خبزك مخبوز وزيتك في الكوز، والمرا المقدية ما عندها شيء صعيب، مالعولة للتطييب، حتى الخبزة على يديها تبدى بنينة وطرية



المقادير

  • 1 رشة ملح
  • 1 مغرفة كبيرة سكر
  • 1 مغرفة كبيرة خميرة خبز
  • 1 رطل فارينة
  • 2 مغارف صغار (زيت زيتونة (تنجم تحط 3 مغارف
  • 50 غرام إفاح خبز

طريقة التحضير

  • 1 - خلّط المكونات الكل مع بعضها مليح
  • 2 - زيد ماء دافي واعجن لين توليّ عندك عجينة طرية وما تلصقش في يديك
  • 3 - خلي العجينة ترتاح مدة ساعة
  • 4 - رش الفارينة فوق طاولة وقسم العجينة كعابر متساوية
  • 5 - خوذ بالكعبورة وحلّها وغطّي الخبزة بورق المطبخ ورش تحتها وفوقها بالفارينة
  • 6 - عاود العملية للخبزة الثانية وحطها فوق الأولى، لين تكمّل العجينة الكل
  • 7 - خلّي الخبز يرتاح نص ساعة
  • 8 - سخّن الفور 400 درجة
  • 9 - حطّ الخبز في طبق ونقّبهم بالفرشيطة ومن بعد دخلهم للفور
  • 10 - شعل الفور مالفوق أكاهو إذا الخبز طاب ماللوطة ومازال ما حمارش من الفوق
  • 11 - خرّج الخبز بعد ما يطيب ولفو بمنديلة باش يبقى طري وصحة وبالشفاء

نصيحة الشاف

إذا تحب العجينة فيسع تخمر، حطّها في طبق ملفوفة وخليها عالغاز السخون مالفوق وإلاّ فوق فور سخون وتحتها كاس ماء، باش ما تشيحش