الوصف

موش الكورنوات الكل قلاس، فمة كورنوات مالحة وحشوها بالدّجاج، تنجّم تعوّضلك البريك والطاجين، وصغارك يحبوها ويولاو بيها مغرومين



المقادير

  • 100 غرام الموزاريلا
  • 300 غرام فارينة
  • 1 كأس حليب
  • 1 كأس زيت
  • 1 باكو خميرة فورية
  • 1 مغرفة صغيرة سكر
  • 1 رشة فلفل أكحل
  • 1 رشة ملح
  • 1 حكّة كرام فراش
  • 1 كعبة ياغورت
  • 250 غرام دجاج مقصوص طروف
  • 1 راس بصل مقصوص

طريقة التحضير

  • 1 - خلّط في صحفة: ياغورت + زيت + خميرة + حليب سخون
  • 2 - زيد فوق الخليط الفارينة بالشوية بالشوية لين تولي عندك عجينة متماسكة
  • 3 - خلي العجينة ترتاح نص ساعة ومن بعد قصها ولفّها على قالب الكورنو
  • 4 - حط القوالب تطيب في الفور
  • 5 - قلّي في طنجرة: دجاج + بصل + زيت + ملح + فلفل أكحل
  • 6 - هبطّ الطنجرة من فوق الغاز وزيد للخليط: الكرام فراش + الجبن وحركهم شوية
  • 7 - عبيّ كورنوات العجينة بالحشو وسكّر الكورنو مالفوق بالموزاريلا وصحة وبالشفاء

نصيحة الشاف

باش تحافظ على الكرام فراش وإلاّ الجبن والياغورت في الفريجيدار ومن غير ما تتعفّن (بالطبيعة قبل ما توفى مدة صلاحيتها) حطّ الحكة بالمقلوب