الوصف

غرامك بالمسلسلات التركية، خلاك بالبوراك مغرومة، من غير ما تخلّي الوصفة في قلبك مشتهيّة تبّع الحكار وما تبقاش مالبنّة محرومة



المقادير

  • 1 - ياغورت طبيعي
  • 400 غرام عجينة مورقة
  • 1/2 كوب زيت عباد الشمس
  • 1/2 كوب حليب
  • 3 - عظم
  • - - سينوج
  • 450 غرام جبن فيتا
  • 1 صحفة معدنوس مقصوص

طريقة التحضير

  • 1 - أركض مليح في صحفة: زيت + حليب + ياغورت + عظم
  • 2 - حطّ الجبن في صحفة أخرى وفتفتو بالفرشيطة
  • 3 - زيد المعدنوس فوق الجبن وخلطهم مليح
  • 4 - ادهن طبق الفور بشوية زيت وأعمل 2 فرشات عجينة مورقة
  • 5 - زيد فوقهم فرشة خليط العظم + فرشة عجينة مورقة + فرشة خليط العظم + فرشة عجينة مورقة + فرشة خليط العظم
  • 6 - صب خليط الجبن وحلوّو على كبر الطبق
  • 7 - (زيد فرشة عجينة مورقة + فرشة خليط العظم + فرشة عجينة مورق (عاود العملية لين تكمل العجينة الكل
  • 8 - أعمل فرشة خليط العظم ورش الطبق مالفوق بالسينوج
  • 9 - حطّ الطبق في الفور من 30 لـ35 دقيقة وتحت درجة حرارة 180

نصيحة الشاف

في أوّل فرشة تعملها في الطبق، خلّي العجينة المورقة خارجة مالأجناب باش تسكّر بيها الطبق في الإخّر، من بعد إدهن بخليط العظم ورش السينوج وصحة وبالشفاء