الوصف

انت مغرومة بالسلايط، وصغارك مغرومين بالجمبون، اضرب عصفورين بحجرة وحضر العشاء سلاطة بطاطا بالجمبون، دبارة بنينة ومشتهية، تنجم تزيد معاها طرشات لحم مشوية



المقادير

  • 3 كعبات بطاطا كبيرة
  • 4 طروف جمبون مقصوصة طرنشات
  • 1 راس بصل مقصوص
  • 3 كعبات عظم مسموطة ومقصوصة طرنشات
  • 2 كعبات فقوس املّح ومقصوص طرنشات
  • 1 حكّة كرام فراش
  • 3 مغارف كبار مايوناز
  • 1 مغرفة صغيرة خردل
  • 1 رشة ملح
  • 1 رشة فلفل أكحل

طريقة التحضير

  • 1 - اسمط البطاطا في الماء + الملح
  • 2 - قشر البطاطا وقصها طرنشات كبار
  • 3 - خلط في صحفة: بطاطا + فقوس + عظم + جمبون + بصل
  • 4 - خلط في صحفة اخرى: مايوناز + كرام فراش + خردل + ملح + فلفل أكحل
  • 5 - صب صلصلة المايوناز فوق خليط البطاطا وخلطهم مليح

نصيحة الشاف

باش تنحي قشرة البطاطا بسهولة بعد ما تسمطها، حطها طول في الماء البارد بعد ما تصفيها