الوصف

صغارك بالبيتزا مغرومين؟.. وعلى ماكلتها ملهوفين.. أما ما يعرفوش كاب كايك البيتزا البنين؟.. جرّب الوصفة وشوف صغارك قداش تعجبهم وبيها فرحانين



المقادير

  • 180 غرام فارينة
  • 1 باكو خميرة فورية
  • 100 غرام (دجاج مسموط ومفتفت (وإلاّ اسكالوب وإلاّ لحم مفروم مقلّي
  • 1 كأس حليب
  • 1 كأس زيت
  • 50 غرام زيتون مقصوص
  • 50 غرام جبن مرحي
  • 3 كعبات عظم
  • 1 رشة ملح
  • 1 رشة فلفل أكحل
  • 1 مغرفة كبيرة طماطم معجونة
  • 1 رشة كروية
  • 1 رشة حبق شايح

طريقة التحضير

  • 1 - خلّط العجينة مليح لين تولّي متماسكة: فارينة + رشة ملح + خميرة + حليب + عظم
  • 2 - زيد للعجينة: الدجاج المفتفت (وإلاّ اسكالوب وإلاّ لحم مفروم)
  • 3 - حضّر صلصلة البيتزا: طماطم + كروية + فلفل أكحل + شوية زيت + رشة ملح
  • 4 - حطّ في قوالب الكايك قوالب ورقيّة وصب في كل قالب شوية عجينة
  • 5 - زيد فوقهم في الوسط مغرفة صلصة + رشة جبن + رشة زيتون + رشة حبق شايح
  • 6 - دخّل قوالب الكايك للفور بعد ما تسخنو وخلي البيتزا تطيب وتحمار مالفوق وصحة وبالشفاء

نصيحة الشاف

ما تعبيش القوالب بالعجينة وخلّيهم ناقصين باش ما تفيضش في الفور