الوصف

ماكلة السفنارية تحافظ على الصحة خاصة عند الصغيرات، يقولو تقوي النظر وتغذّي البدن
هذاكة علاش اليوم باش نعملو حساء السفنارية وهذي طريقة تحضيرها



المقادير

  • 1 طرف معدنوس مقصوص
  • 1 كعبة بطاطا
  • 2 كعبات سفنّارية
  • 1 راس بصل مقصوص
  • 50 غرام قشدة
  • 1 فنجان زيت زيتونة
  • 1 طرف (ملح + كركم + فلفل أكحل (حسب الحاجة

طريقة التحضير

  • 1 - حط الطنجرة عالغاز وحط فيها البصل المقصوص
  • 2 - صب الزيت
  • 3 - زيدهم: الملح + فلفل أكحل + كركم
  • 4 - حرك الخليط وزيد معاه كعبتين السفنارية وكعبة البطاطا بعد ما تقصهم
  • 5 - بعد ما تتقلى الخضرة شوية صب فوقها ماء سخون وخليها تطيب
  • 6 - هبط الطبخة من فوق النار وحطها في الخلاط
  • 7 - حساء السفنارية حاضرة باش تاكلها وما عليك كان تزيدها شوية قشدة ورشة معدنوس

نصيحة الشاف

البصل كيف يتقلّى يزيد نكهة للطنجرة متاعك، أمّا ديما عس لا يتحرق ويولّي أكحل في الطنجرة