الوصف

على خاترني فنانة وماكلتي كلها فيانة، في البيتزا عمري ما نحير، نكمبس، نعجن ونخبز ونقدم أبنّ بيتزا مهما يصير، وكان تحب تعاندني وتحط الختار ذوق من عندي البيتزا أوريونتال



المقادير

  • 1.5 كأس ماء دافي
  • 2 مغارف صغار خميرة فوريّة
  • 4 كوبات فارينة
  • 1.5 مغرفة صغيرة ملح
  • 1 مغرفة صغيرة سكر
  • 1/4 كوب زيت زيتونة
  • 2 فصوص ثوم مهرسين
  • 1 رشة زعتر
  • 1 رشة فلفل أكحل
  • 1 راس بصل مقصوص جويّد
  • 1 مغرفة كبيرة طماطم معجونة
  • 1 قرن فلفل أخضر مقصوص طرنشات
  • 1/4 كوب زيتون أكحل مقصوص
  • 100 غرام جبن الموزاريلا
  • 3 كعبات مرقاز

طريقة التحضير

  • 1 - حضّر الصلصة: 2 مغارف زيت + ثوم + طماطم + زعتر + ملح + فلفل أكحل
  • 2 - خلّط في صحفة صغيرة: ماء + خميرة + سكر وخليهم مدة 5 دقائق
  • 3 - خلّط الفارينة + الملح
  • 4 - صبّ في صحفة كبيرة خليط الخميرة + خليط الفارينة + زيت وأعجنهم مليح
  • 5 - خلي العجينة ترتاح شوية وعاود اعجنها ومن بعد أدهنها بشوية زيت مالفوق
  • 6 - غطّي العجينة وخليها ترتاح مدة ساعة في بلاصة دافية
  • 7 - قص المرقاز طروف صغيرة وقليهم من غير زيت
  • 8 - حلّ عجينة البيتزا في طبق
  • 9 - حطّ فوق العجينة فرشة صلصة طماطم + فوقها فرشة مرقاز + فوقها فرشة جبن + فوقها طرنشات الفلفل + زيتون
  • 10 - دخّل الطبق للفور وخلي البيتزا تطيب على نار متوسطة وصحة وبالشفاء

نصيحة الشاف

كي تحضّر بيتزا ديما حطّ الجبن المرحي فوق الموزاريلا وموش العكس