الوصف

كوجينتك معمّرة من كل خير، لا توحل في دبارة فطور ولا تحير، حتّى مالرّنقة عاملتلها حساب، وما تذوّقها كان للأحباب؟.. مالة شنوة رايك في معقودة بالرّنقة؟..



المقادير

  • 2 كعبات رنقة امّلحة
  • 1 فنجان زيت
  • 1/2 مغرفة صغيرة فلفل أحمر مرحي
  • 1 رشة فلفل أكحل
  • 1 رشة ملح
  • 1/2 مغرفة صغيرة كركم
  • 4 مغارف كبار معدنوس
  • 1 راس بصل مقصوص جويّد
  • 4 كعبات عظم
  • 4 كعبات بطاطا مقشرين

طريقة التحضير

  • 1 - نفّخ الرنقة ساعتين في الماء البارد وزيد اغسلها مليح واشويها وقشّرها
  • 2 - نحّي الشوك من لحم الرنقة وفتفتها
  • 3 - اسمط البطاطا في ماء + كركم وامعسها بالفرشيطة لين تتفتفت
  • 4 - خلّط في صحفة: رنقة + بطاطا + معدنوس + بصل + فلفل أحمر + فلفل أكحل + رشة ملح + عظم
  • 5 - ادهن طبق الفور بشوية زيت وصب فيه الخليط وحطّو في الفور مدة 20 دقيقة وصحة وبالشفاء

نصيحة الشاف

قبل ما تحط الملح ذوق الخليط خاتر الرنقة مالحة