الوصف

ضرب المدفع.. أذن الآذان.. تلمت العائلة على طاولة شقّان الفطر في رمضان... طاولة معّمرة من بريكها لسلاطتها.. لصحفة شربتها.. وشكون في رمضان ما يبداش بصحيفة شربة شعير تغذّي البدن وتحلّ العينين..
وعلى خاتر نودلك كلّ خير.. هذي وصفة الشربة إلّي تشبّع المعدة وتملى العين



المقادير

  • 150 غرام شربة فريك
  • 2 مغارف كبار طماطم معجونة
  • 50 غرام معدنوس مقصوص
  • 500 غرام لحم علوش
  • 50 غرام كلافس
  • 4 مغارف كبار زيت زيتونة
  • 1/2 مغرفة كبيرة هريسة
  • 1 مغرفة صغيرة فلفل أحمر
  • 1 مغرفة صغيرة تابل وكروية
  • 1 مغرفة صغيرة ثوم مرحي

طريقة التحضير

  • 1 - قلّي في الزيت اللحم + البصل + ملح
  • 2 - زيد فوقهم: فلفل أحمر + طماطم + تابل وكروية + نص كاس ماء وخليهم 10 دقائق
  • 3 - زيد الفريك (بعد ما تغسلو) + 1 لتر ونص ماء وخليهم يطيبو لمدة ساعتين من غير ما تنسى تحريك الطنجرة
  • 4 - زيد للطنجرة: المعندوس + الكلافس + الهريسة + الثوم وخليهم يغليو مدة نص ساعة

نصيحة الشاف

شربة الفريك حاضرة ما تنساش عصرة قارص في صحفتك وكول صحة وبالشفاء