الوصف

غرامك بالبيتزا فن، كلّ مرة تحضر نوع وتقدمها لعائلتك الكلّ، وعلى خاترك بالبنّة تودّ أعزّ الناس أحفظ دبارة البيتزا ليباناز



المقادير

  • 1.5 كأس ماء دافي
  • 2 مغارف صغار خميرة فورية
  • 4 كيسان فارينة
  • 1 مغرفة صغيرة ملح
  • 1 مغرفة صغيرة سكر
  • 1/4 كأس زيت زيتونة
  • 2 فصوص ثوم مهرّس
  • 2 كعبات طماطم مرحية
  • 1 مغرفة كبيرة إكليل وزعتر
  • 1 رشة فلفل أكحل
  • 1 راس بصل مقصوص جويّد
  • 1 راس بصل مقصوص طرنشات
  • 1 مغرفة صغيرة طماطم معجونة
  • 100 غرام جبن موزاريلا
  • 100 غرام جبن مرحي

طريقة التحضير

  • 1 - خلّط في صحفة صغيرة: ماء + خميرة + سكر وخليهم درج
  • 2 - خلّط في صحفة كبيرة الفارينة + الملح
  • 3 - حضّر العجينة: خليط + خليط الفارينة + شوية زيت وأعجنهم لين تولي عندك عجينة متماسكة
  • 4 - ادهن العجينة بالزيت وعاود أعجنها مرة أخرى وخليها ترتاح مدة ساعة
  • 5 - حضرّ الصلصة: 2 مغارف زيت + ثوم + طماطم مرحية + طماطم معجونة + رشة ملح+ فلفل أكحل + شوية ماء + زعتر وخليها تغلي درج من زمان وهبطها
  • 6 - ادهن طبق الفور بشوية زيت وحطّ في وسطو العجينة وحلها على كبر الطبق
  • 7 - أعمل فوق العجينة فرشة صلصة + رشة اكليل وزعتر + فرشة طرنشات البصل + موزاريلا + جبن مرحي
  • 8 - حطّ الطبق في الفور مدّة 20 دقيقة وتحت درجة حرارة 180 وصحة وبالشفاء

نصيحة الشاف

باش تبقى البيتزا فرشكة وطرية وما تشيحش، حط الجبن المرحي فوق الموزاريلا قبل ما تخرج الطبق مالفور بدرجين