الوصف

لا تسمّي روحك صنّافة كان ما تتعلّم سرّ التصنيف.. ولا تحكم على دبارتك كان ما تذوقها لضيف، وإذا تحب تعرف راي إلّي دايرين بيك قدملهم البصل المحشي من صوابع إيديك 



المقادير

  • 1/2 كعبة قارص معصورة
  • 1 رشة فلفل‏ ‏أكحل
  • 50 غرام زبيب
  • 1 رشة ملح
  • 8 كعبات بصل كبار مقشرين
  • 1 راس بصل مقصوص جويّد
  • 2 مغارف كبار نعناع شايح
  • 1 صحفة معدنوس مقصوص جويّد
  • 1 مغرفة كبيرة زيت‏ ‏زيتونة
  • 250 غرام لحم ‏مفروم
  • 50 غرام روز

طريقة التحضير

  • 1 - ‏قلّي في طنجرة: زيت + بصل جويد + لحم مفروم + ملح + فلفل أكحل مدّة 5 دقائق
  • 2 - زيد شويّة ماء للطنجرة وخليها تغلي لين يطيب اللحم
  • 3 - أسمط الروز في الماء + رشة ملح
  • 4 - صب فوق الروز: لحم مفروم + زبيب + نعناع + معدنوس + قارص معصور وخلطهم مليح
  • 5 - قعور روس البصل بالسياسة ومن غير ما توصل للقشرة البرّانية
  • 6 - عبّي روس البصل بحشو الروز وصففّهم في طبق الفور
  • 7 - حطّ الطبق في الفور مدة 30 دقيقة وتحت درجة حرارة 220 وصحة وبالشفاء

نصيحة الشاف

حطّ طرف خبز فوق الروز بعد ما يطيب باش يشرب الماء الزايد، إذا إنت سمط الروز في برشة ماء