الوصف

تعمل كيف كي تحضر تارت خفيف، وكي تسمع بفكرة مزيانة تجري للكوجينة وتطيبها وتعديّ وقتك فرحانة، مالة جربّ تارت بالريقوتة والشامبينيون



المقادير

  • 250 غرام فارينة
  • 150 غرام (زبدة (منها 120 غ مقصوصة مكعبات
  • 1/2 مغرفة صغيرة ملح
  • 1 كأس ماء دافي
  • 4 روس بصل مقصوص طرنشات
  • 1 حكّة شامبينيون
  • 1 حكّة كرام فراش
  • 1 حكّة ريقوتة
  • 100 غرام جبن مرحي
  • 1 مغرفة كبيرة (بهارات مشكلة (أفاحات

طريقة التحضير

  • 1 - (حضّر العجينة وخلّط: فارينة + ملح + زبدة مكعبات + ماء (تزيد بالشوية)
  • 2 - كي تتحصّل على عجينة متماسكة غطيّها وحطّها في الفريجيدار مدة ساعة
  • 3 - رشّ الطاولة بالفارينة وحل فوقها العجينة بالقلقال
  • 4 - حطّ العجينة في القالب وانزل على أجناب القالب والقاع لين العجينة تاخو الفورمة متاع القالب
  • 5 - نقّب العجينة بالفرشيطة وحط فوقها الزبدة
  • 6 - دخّل القالب في الفور السخون مدة 20 دقيقة وتحت درجة حرارة 200
  • 7 - قلي في مقلى 30 غ زبدة + بصل + شامبينيون لمدة 10 دقائق
  • 8 - زيد للمقلى الملح + البهارات المشكّلة وهبطها مالغاز وخليها تبرد
  • 9 - زيد في المقلى بعد ما تبرد: الكرام فراش + الريقوتة وخلطهم مليح
  • 10 - زيد الحشو للتارت ورش فوقها الجبن المرحي
  • 11 - رجّع قالب التارت للفور مدّة 10 دقائق وتحت درجة حرارة 180 وصحة وبالشفاء

نصيحة الشاف

كي تحضر العجينة وباش تنقلها مالطاولة للقالب وإلاّ طبق الفور لفّها عالقلقال