الوصف

غرامك بالبيتزا موش جديد، وكلّ مرّة تعجن وتفوّح تقول عندك عيد، والمرة هذي جات بين عينيك بيتزا بالكرام فراش والدجاج، وقعدت تخمّم منين تجيب الحكار وتطييبها كيفاش



المقادير

  • 1 مغرفة كبيرة خميرة فوريّة
  • 1 كأس ماء دافي
  • 2 كيسان فارينة
  • 2 مغارف كبار زيت الزيتون
  • 2 مغارف صغار سكر
  • 1.5 مغرفة صغيرة ملح
  • 1/2 كوب جبن مرحي
  • 2 مغارف كبار جبن البارميزان المرحي
  • 1 صدر دجاج مقصوص ومسموط
  • 1 حكّة كرام فراش
  • 1/2 كأس مايونيز
  • 2 مغارف كبار موتارد
  • 1 مغرفة صغيرة فلفل أكحل
  • 2 فصوص ثوم مهرّس

طريقة التحضير

  • 1 - ذوب في صحفة صغيرة: ماء+ سكر + خميرة وخليه 5 دقائق
  • 2 - خلّط في صحفة كبيرة: فارينة + زيت + ملح + خلطة الخميرة وأعجن المكونات مليح لين تتحصل على عجينة متماسكة
  • 3 - لف العجينة في بلاستيك وخليها تخمر مدّة ساعة
  • 4 - خلّط في صحفة أخرى: صلصلة البيتزا + ثوم + فلفل أكحل + دجاج مقصوص + مايونيز + موتارد + شطر مغرفة ملح + كرام فراش
  • 5 - سخّن الفور تحت درجة حرارة 200
  • 6 - حلّ العجينة بالقلقال وحطّها في طبق الفور المدهون بالزيت
  • 7 - صبّ خليط الصلصة فوق العجينة واستويها على كبر الطبق
  • 8 - حطّ الطبق في الفور مدّة 25 دقيقة
  • 9 - رشّ الطبق بالجبونات إلّي عندك (جبن البارميزان المرحي + جبن مرحي) وعازد دخلو للفور مدة 5 دقائق وصحة وبالشفاء

نصيحة الشاف

قص البيتزا قبل ما ترشها بالجبن وترجعها للفور