الوصف

كل بلادها وأرطالها، وكلّ كوجينة وأسرارها، وطاجين السردينة على الطريقة الليبية تلقى الخضرة فيه طرنشات والحبق واحد مالأفاحات



المقادير

  • 2 كيسان طماطم معصورة
  • 2 كعبات قرع مقصوص طرنشات
  • 2 كعبات بتنجال مقصوص طرنشات
  • 2 كعبات بطاطا مقصوصة طرنشات
  • 1 مغرفة صغيرة كمّون
  • 1 مغرفة صغيرة فلفل أكحل
  • 1 مغرفة صغيرة زنجبيل
  • 1/2 مغرفة كبيرة فلفل أحمر مرحي
  • 1 مغرفة كبيرة طماطم معجونة
  • 3 فصوص ثوم مهرّس
  • 1.5 كيلوغرام سردينة
  • 4 قرون فلفل أخضر
  • 1 مغرفة كبيرة حبق مقصوص جويّد
  • 1 كأس زيت زيتونة
  • 1 كعبة قارص مقصوصة طرنشات

طريقة التحضير

  • 1 - خلّط في صحفة: عصير طماطم + زيت + فلفل أحمر + كمون + فلفل اكحل + ملح + طماطم معجونة + حبق وصبّهم في طبق الفور
  • 2 - حطّ فوق الخليط: السردينة + الخضرة المقصوصة (بطاطا، بتنجال، قرع) وخلطهم مليح
  • 3 - زيد فوقهم الفلفل الأخضر + طرنشات القارص وحط الطبق في الفور لين يطيب الطاجين ويحمار مالفوق وصحة وبالشفاء

نصيحة الشاف

زيد لمعلوماتك كونو السردينة تعوّض الخضرة واللحم والغلة، ومنافعها تفيد صغيرك خاصة في فترة النمو