الوصف

عندك كعبات مرقاز، وحايرة في الدّبارة تقول باش توكّل عرش مالناس، وصفة اليوم ساهلة وبنينة، تحضر فيسع دوب ما تدخل للكوجينة



المقادير

  • 2 مغارف صغار فلفل أحمر
  • 3 أوراق رند
  • 4 فصوص ثوم
  • 1 مغرفة صغيرة كركم
  • 1 مغرفة كبيرة هريسة
  • 2 مغارف كبار طماطم معجونة
  • 1/2 رطل مرقاز
  • 1 رطل مقرونة
  • 1 قرن فلفل أخضر
  • 1 كأس زيت
  • 1 رشة ملح

طريقة التحضير

  • 1 - قلّي في طنجرة مرقاز + زيت
  • 2 - زيد فوق المرقاز: طماطم + هريسة + ثوم + فلفل أحمر + رند وخليهم يتقلّيو مدّة درج
  • 3 - صبّ فوق الخليط 1 لتر ماء وخليّ الطنجرة تغلي
  • 4 - زيد الفلفل الأخضر للطنجرة كيف تولي الصلصة خاثرة
  • 5 - أسمط المقرونة لمدة 8 دقائق في : ماء + رشة ملح + قطرة زيت
  • 6 - صفي المقرونة وخلطها بالصلصة وصحة وبالشفاء

نصيحة الشاف

أعمل رشّة حبق شايح فوق صحن المقرونة باش يزيدها بنّة