الوصف

كي تحب تجرّب الماكلة الليبيّة، نقدّملك وصفة الكيما هدية، خلطة بالعظم واللحم المفروم، تذوقها مرة تتغرم بيها كلّ يوم



المقادير

  • 125 غرام لحم مفروم
  • 1/4 ربطة معدنوس مقصوصة
  • 1/4 ربطة كسبر مقصوص
  • 1 راس بصل مقصوص جويّد
  • 1 كعبة طماطم مقصوصة
  • 1 قرن فلفل أخضر مقصوص
  • 2 فصوص ثوم مهرّس
  • 1 مغرفة صغيرة طماطم معجونة
  • 1 مغرفة صغيرة فلفل أحمر مرحي
  • 2 مغارف كبار زيت نباتي
  • 2 كعبات عظم
  • 1 رشة ملح
  • 1/4 كأس ماء

طريقة التحضير

  • 1 - قلّي في مقلى: زيت + بصل + ثوم + لحم مفروم + ملح
  • 2 - زيد للمقلى شوية ماء وخلي اللحم يطيب مدّة 7 دقائق
  • 3 - زيد فوق اللحم: فلفل أحمر + طماطم معجونة وحركهم
  • 4 - حطّ فوق الخليط الخضرة المقصوصة: طماطم + فلفل أخضر وحرّك المقلى
  • 5 - زيد معاهم: كسبر + معدنوس وخلي المقلى تغلي مدّة 5 دقائق
  • 6 - فقّص العظم في وسط المقلى وهبّطها بعد 3 دقائق وصحة وبالشفاء

نصيحة الشاف

المغروم بالكيما، يقلّك أحفر حفرتين وسط اللحم وفقص فيهم العظم من غير ما تحركهم