الوصف

التونسي في الصيف يبعد عالعجين وياكل كل ماهو خفيف.. لكن الحنين للكسكسي والمقرونة.. عادة كلّ عائلة بالعجين مغرومة... هذاكة علاش قلت آش خير من دبارة سلاطة ملونة، زاهية تعمل 66 كيف.. تخليك تتبنّ المقرونة حتّى في عزّ الصيف



المقادير

  • 1/2 كعبة كعبة قارص
  • 50 غرام موزاريلا مقصوصة طرنشات
  • 500 غرام مقرونة ملونة
  • 50 غرام تنّ
  • 50 غرام طماطم سوريز مقصوصة
  • 1 فنجان زيت زيتونة
  • 1 رشة ملح
  • 1 مغرفة صغيرة فلفل أكحل
  • 50 غرام زيتون أكحل مقصوص
  • 1 حكّة مايوناز
  • 1 مغرفة كبيرة نعناع شايح
  • 50 غرام زيتون أخضر مقصوص
  • 50 غرام فلفل برلعبيد مقصوص

طريقة التحضير

  • 1 - خلّط في صحفة: مايوناز + فلفل أكحل + ملح + نعناع + زيت + قارص
  • 2 - أصمط المقرونة وصفيها
  • 3 - زيد فوق المقرونة: زيتون مقصوص + موزاريلا + فلفل برلعبيد + تنّ
  • 4 - حركهم مليح وزيد فوقهم الخليط إلّي حضرتو
  • 5 - حطّ الصحفة في الفريجيدار مدّة 30 دقيقة

نصيحة الشاف

الزعتر الشايح يزيد نكهة خاصة للماكلة، أما نصيحتي ليك إنك تغربلو قبل ما تستعملو باش ما يبداش أحرش