الوصف

في فرح وإلاّ في عيد تلقى الملبّس باللوز وسط الطبق حاضر، كي تذوق كعبة ماذابيك تزيد، بنّة الحلو التونسي ديما مزيّنة المحافل



المقادير

  • 700 غرام سكر محور
  • 500 غرام لوز مرحي
  • 6 كعبات عظم
  • 4 مغارف كبار ماء ورد
  • 1 مغرفة كبيرة زيت
  • 1 كأس معين صغير من الورق المذهّب

طريقة التحضير

  • 1 - خلّط في صحفة: رطل سكر محوّر + اللوز المرحي
  • 2 - (زيد للخليط أبيض حارة عظم (خوذ بالكعبة بالكعبة وأركض
  • 3 - خلّي العجينة إلّي حضرتها ترتاح ربع ساعة
  • 4 - ادهن طبق الفور بشوية زيت وعاود أعجن عجينة اللوز بصوابع
  • 5 - خوذ طرف صغير مالعجينة وكورها بين يديك وحطها في الطبق
  • 6 - (انزل على كعبورة العجينة بيدك شوية مالفوق (عاود العملية لين تكمل العجينة الكل
  • 7 - حطّ الطبق في فور نارو ناقصة مدة ربع ساعة وتفقدها لين تحضر
  • 8 - حطّ في صحفة: أبيض كعبتين عظم + 200 غ سكر محوّر وأركضهم مليح
  • 9 - خرّج الطبق مالفور وخوذ بالكعبة وغطّسها في الخليط وعاود رجعها للطبق
  • 10 - لصّق فوق كل كعبة معين صغير مذهّب
  • 11 - رجّع الطبق للفور بعد ما تطفيه وخليه لين الخليط يشيح فوق الملبّس وصحة وبالشفاء

نصيحة الشاف

هزّ كعبة الملبّس بعود الأسنان وقتلّي باش تغطسها في أبيض العظم وغطّي بلاصة العود بالمعين المذهّب