الوصف

الخضرة في الدار محسوب وفات، ولا عندك لا لحم ولا جبونات.. من غير ما تحير، أعمل معقودة بطاطا، إلّي يذوقها من صغارك يقلك فطورنا بنين



المقادير

  • 1 رطل بطاطا
  • 1/2 ربطة معدنوس مقصوص
  • 1 راس بصل مقصوص
  • 1/2 فنجان زيت
  • 1/2 مغرفة كبيرة فلفل أحمر مرحي
  • 1/2 مغرفة صغيرة فلفل أكحل
  • 1 رشة ملح
  • 8 كعبات عظم

طريقة التحضير

  • 1 - اسمط البطاطا وقشرها وغفّسطا بالمغرفة
  • 2 - زيد فوق البطاطا: معدنوس + بصل وخلطهم مليح
  • 3 - خلّط في صحفة: عظم + فلفل أكحل + فلفل أحمر + ملح
  • 4 - صبّ خليط العظم فوق خليط البطاطا وخلّطهم في بعضهم مليح
  • 5 - صب شوية زيت في طبق الفور وسخنو شوية
  • 6 - صبّ خليط المعقودة في الطبق واستويه ورجعو للفور مدّة 20 دقيقة وصحة وبالشفاء

نصيحة الشاف

إذا لصقت الماكلة في طبق الفور، حطّ فيه وهو سخون رشة كربوناطو وشوية خل وخليه شوية وقت قبل ما تغسلو