الوصف

صغارك يكرهوا الماكلة الحارة وبالمقرونة البيضة مغرومين؟.. جرّب تحضرلهم طبق بنين، يطيب في الفور في رمشة عين، كلو دجاج وشامبينيون وغاطس في صلصلة مالنشا



المقادير

  • 1 رشة فلفل أبيض
  • 1 طابع مرقة دجاج
  • 1 لتر ماء
  • 3 مغارف كبار النشا
  • 200 غرام جبن موزاريلا مفروم
  • 500 غرام صدر دجاج
  • 1 رطل مقرونة
  • 1 رشة ملح
  • 1 مغرفة كبيرة زيت

طريقة التحضير

  • 1 - أسمط الدجاج في: ماء + ملح وخليه يغلي مدّة 20 دقيقة من بعد خرجو
  • 2 - ذوّب في طنجرة النشا + ماء وحطهم فوق الغاز
  • 3 - سقّط مع النشاء طابع مرقة الدجاج وحركهم مليح وخليهم على نار متوسطة وحركو مدة 5 دقائق لين تولّي الصلصة خاثرة
  • 4 - زيد فوق الصلصة: ½ كميّة جبن + ملح + فلفل أبيض
  • 5 - أسمط المقرونة في: ماء + شويّة زيت + رشة ملح وصفيها
  • 6 - حطّ في طبق فور: نص كمية المقرونة وفتفت فوقها الدجاج بيديك
  • 7 - صبّ فوق الدجاج نص كمية الصلصة
  • 8 - أعمل فرشة شامبينيون وفوقها فرشة بقية كمية المقرونة
  • 9 - سقّي الطبق بإلّي بقالك مالصلصة وكمّل حطّ فوقها باقي الجبن
  • 10 - حطّ الطبق في الفور مدّة 20 دقيقة وتحت درجة حرارة 180

نصيحة الشاف

تنجّم تعوّض النشا بالحليب الغبرة وصحة وبالشفاء