الوصف

علاقة الصغار بالبطاطا تعمل الكيف، يحبوها في كلّ وقت شتاء وصيف، وباش تخلّي صغيراتك ياكلو ماكلة بنينة وصحيّة جرّب بطاطا بالجمبون والجبن محشيّة



المقادير

  • 2 كيسان حليب
  • 2 مغارف كبار زيت زيتونة
  • 50 غرام فارينة
  • 50 غرام زبدة
  • 1 مغرفة كبيرة معدنوس مقصوص
  • 2 كعبات بطاطا
  • 2 طوابع جبن مربع
  • 100 غرام جمبون
  • 1 رشة فلفل أكحل
  • 1 رشة ملح
  • 1 رشة جوز الطيب

طريقة التحضير

  • 1 - أغسل البطاطا وجرّحها مالفوق بالسكينة شرط إنها تبقى لاصقة في بعضها ماللوطة
  • 2 - حطّ كعبات البطاطا في طبق وادهنها بالزيت وخليها في الفور مدّة ساعة
  • 3 - ذوّب الزبدة في كسارولة على نار هادئة
  • 4 - (زيد فوق الزبدة الفارينة + الحليب + الفلفل أكحل +الملح + جوز الطيب (من غير ما تقص على التحريك
  • 5 - هبّط الكسارولة كيف يولّي الخليط متماسك وتتحصّل على صلصلة البشاميل
  • 6 - خرّج البطاطا مالفور وحطّ في الفتحات: جبن + جمبون
  • 7 - سقّي الطبق بصلصة البشاميل ورجعو للفور مدّة ربع ساعة وتحت درجة حرارة 180
  • 8 - البطاطا بالجمبون حاضرة وريحتها فاوحة ما بقالك كان تزيدها رشّة معدنوس مقصوص وصحّة وبالشفاء

نصيحة الشاف

جوز الطيب مالأعشاب إلّي تعالج المعدة وتنحّي الروماتيزم، أمّ إذا كثّرت مالكميّة منافعها تولّي مضرة كبيرة للبدن