الوصف

 البشكوطو هذا تونسي يرجع بيك لصغرك وقتلي كنت تستنى لميمة تكمل تحضرو  باش تجري بالطبق للكوشة إلي بحذى الدار ، فواح كي ريحة لحنينة إلي يشم ريحتو من جيران يستدعى روحو ويجينا...



المقادير

  • 500 غرام فرينة
  • 2 - عظم
  • 3 ملعقة طعام سكر
  • 4 ملعقة طعام زيت
  • 3 ملعقة طعام حليب
  • 1 ملعقة طعام خميرة كيميائية
  • 1 ملعقة طعام سكر فانيليا
  • 1 ملعقة طعام عطرشية
  • - رطل (معجون (سفرجل

طريقة التحضير

  • 1 - خلط مليح السكر والسكر فانيليا مع العظم
  • 2 - زيد عليهم بقية المكونات إلي عندك وخلط مليح حتى تتحصل على عجينة متماسكة
  • 3 - أقسم لعجينة على أربعة و بعد حل كل طرف بالقلقال في حلو 0.5 صم
  • 4 - ادهن ورقة العجين بالمعجون مليح وبعد روليها
  • 5 - ادهن الرولو بالعظم ورش عليه فاكية أو جلجلان
  • 6 - سخن الفور على 180 درجة، صفف رولوات إلي تحصلت عليهم في طبق بعد ما تفرشوا ب''ورق الطهي''
  • 7 - وقتلي يتذهبو خرجهم مالفرن، يبردوا شوية وبعد يتقصوا طرنشات

نصيحة الشاف

كان العجينة جات يابسة زيدها شوية حليب و كان جارية زيدها شوية فرينة وانشالله تعجبكم !