الوصف

على خاتر الروز خفيف، تنجّم تحضّر منو أطباق تعمل الكيف، لاهي مربوطة لا بشتاء ولا بصيف كيما الروز بالشامبينيون



المقادير

  • 1 راس بصل مقصوص طرنشات
  • 2 فصوص ثوم مهرّس
  • 2 مغارف كبار زيت
  • 3 كوبات روز
  • 2 كوبات شامبينيون مقصوص طرنشات
  • 1/2 مغرفة كبيرة كسبر شايح
  • 5 كوبات (مرقة الدجاج (اسمط دجاج وخوذ الماء متاعو
  • 1 رشة فلفل أكحل
  • 1 رشة ملح
  • 1 راس بصل أخضر
  • 50 غرام لوز
  • 50 غرام بندق

طريقة التحضير

  • 1 - نفّخ الروز في ماء سخون مدّة نص ساعة
  • 2 - قلّي في طنجرة: زيت + بصل + ثوم + شامبينيون + ملح + كسبر + فلفل أكحل
  • 3 - زيد فوق الخليط روز وأغمر الطنجرة بمرقة الدجاج وخليه يطيب نصّ ساعة
  • 4 - الروز بالشامبينيون حاضر وما بقالك كان تزينو باللوز والبندق

نصيحة الشاف

تنجّم تفوّر الروز وكي يطيب تسقيه بالصلصة إلّي حضّرتها وتزينو بالفاكية وصحّة وبالشفاء