الوصف

الكايك مع القهوة في الصّباح، فطيرّ بنين، أما عزّ الكايك إلّي تحضرو بيدياتك الاثنين، خاصة كيف يبدى كايك ملفوف بالشكلاطة والكيوي



المقادير

  • 100 غرام فارينة
  • 100 غرام سكر
  • 4 - عظم
  • 1 كيس سكر فانيليا
  • 100 غرام شكلاطة مبشورة
  • 5 حبات كيوي مقصوص طرنشات
  • 1 كيس كرام شانتي
  • 1 ملعقة طعام كاكاو

طريقة التحضير

  • 1 - أركض في صحفة: سكر+أصفر العظم + سكر فانيليا حتى يبياض الخليط تزيد عليه الفرينة والكاكاو
  • 3 - في صحفة أخرى تركض أبيض البيض مليح حتى يبياض وينفج (يولي كيف السحاب)
  • 4 - زيد أبيض العظم المركوض على الخليط الأول وخلط بالشوية ماللوطا الفوق بمغرفة حتى يتجانس الخليط
  • 7 - في طبق الفرن افرش ورق طهي وصب فوقوا العجينة وافرشها مليح ودخلها للفرن على سخانة °180
  • 8 - كيف يطيب البسكوي متاعنا تخرج مالفرنو تروليه بالشوية ماداموا سخون بش يشد الفورمة
  • 9 - أعمل فرشة كرام شانتي فوق الكايك
  • 10 - كيف يبرد شوية عاود حل البسكوي، أعمل فوقوا فرشة كرام شانتي وفرشة كيوي و شكلاطة المبشورة
  • 11 - لفّ الكايك لين يولّي رولي وزينها وزينها كيفما تحب

نصيحة الشاف

تنجم تذوّب الشكلاطة وتدهن بيها الكايك مالفوق