الوصف

بنّة الدجاج كي يطيب في الفور، والبنّة أكثر كي ترش دجاج بالجلجلان وتاكلو سخون.. مالة شمّر على ذريعاتك وذوّق العائلة من تصنيف صويبعاتك



المقادير

  • 2 طروف صدر دجاج
  • 1 كعبة بطاطا مقصوصة طرنشات
  • 1 قرن فلفل مقصوص طرنشات
  • 1 راس براصيا مقصوص طرنشات
  • 1 مغرفة كبيرة زيت زيتون
  • 1 مغرفة صغيرة صلصة صوجا
  • 1 مغرفة كبيرة جلجلان
  • 1 مغرفة صغيرة اكليل
  • 1 مغرفة كبيرة قارص معصور
  • 1 مغرفة صغيرة سكر
  • 1/2 مغرفة صغيرة فلفل أكحل
  • 1 رشة ملح

طريقة التحضير

  • 1 - خلّط في صحفة: صلصة الصوجا + ملح + زيت + قارص + فلفل أكحل + سكر + خل
  • 2 - حطّ الدجاج وسط الخليط وخلطو مليح وخليه مدّة 30 دقيقة
  • 3 - قلّي في طنجرة: زيت + براصيا + دجاج مفوح وخليه 5 دقائق على النار وهبطو
  • 4 - صبّ في طبق الفور خليط الدجاج وحطّ فوقو طرنشات البطاطا + طرنشات الفلفل
  • 5 - رشّ الطبق بالاكليل + الجلجلان وخليه في الفور مدّة 10 دقائق

نصيحة الشاف

أعمل رشّة زنجبيل مرحي كي تفوح الدجاج وأضرب عصفورين بحجرة: نحّي زفورية الدجاج وبنن الماكلة متاعك