الوصف

.في بنّة المانڤا ما عندك ما تقول، غلّة فرشكة وحلوة وتذوب في الفم طول

.هاو في تايلندا يسربيوها بعد كل فطور. كان لقيت كعبة مانڤا شمّر على يدياتك وحضّر هالديسار للّمّة 



المقادير

  • 1 ملعقة شاي ملح
  • 50 غرام سكر أسمر
  • 1 كعبة مانجا
  • 150 مليلتر حليب جوز الهند
  • 200 غرام روز
  • 1 رشة جلجلان

طريقة التحضير

  • 1 - قبل بليلة، شلّل الروز ثلاثة مرات في الماء البارد، وتخلّيه يتنفّخ في كمية كبيرة من الماء
  • 2 - صفّي الروز وطيّبو بالبخار مدة 25 دقيقة
  • 3 - في نفس الوقت، سخّن حليب حوز الهند على نار هادية ومعاه السكر الاسمر ورشّة ملح. دوب ما يبدا بش يغلي اطفي عليه
  • 4 - قشّر كعبة المانجا وقصّها مكعّبات. خليها تبرد
  • 5 - كيف يطيب الروز،حطّو في صحفة واسقيه بـ3/2 حليب جوز الهند وانت تخلّط بالسياسة حتى لين الروز يشربو الكل.خليه يرتاح ربع ساعة
  • 6 - خوذ كيسان صغار وأبدا عبّي فرشة روز وفرشة مكعبات المانجا. اربعة فرشات يعطيوك منظر مزيان
  • 7 - اسقي الكيسان ببقيّة حليب جوز الهند ورشّ شوية جلجلان

نصيحة الشاف

 كان تفضّل كميات أكبر ولا للصغار، تنجم تبدّل الكيسان بصحافي متاع عصيدة تسربي فيهم ديسار الروز بالمانجا