الوصف

 ! مشينا لروسيا وجينا، وبعد الكورة جبنا دبارة نربحوها في الكوجينة 

! فطاير باللحم محشية، تبدا بيها العشاء ولا حتى تعدي بيها السهرية. الوصفة هاذي روسيّة، ساهلة ومشتهيّة وتوكّل من الاحباب ميّة 



المقادير

  • 1 مغرفة صغيرة ملح
  • 1 مغرفة صغيرة فلفل أكحل
  • 3 كعبة بصل
  • 2 كوب حليب دافي
  • 1/2 كوب سكر
  • 4 كعبة عظم
  • 2 مغرفة كبيرة خميرة
  • 6 كوب دقيق
  • 1 كعبة عظمة مركوضة
  • 1 كيلوغرام لحم م فروم

طريقة التحضير

  • 1 - خلّط شطر كاس حليب دافي مع الخميرة ومغرفة سكر وخليه يرتاح
  • 2 - زيد الحليب الدافي و3 كيسان دقيق واعجن العجينة
  • 3 - غطي العجينة وخليها ترتاح ثلاثة سوايع
  • 4 - زيد بقية مكونات العجينة واعجن الكل وخليها ترتاح ساعتين
  • 5 - في نفس الوقت، حط اللحم المفروم والبصل مقصوص جويّد وفوّح بالملح والفلفل الاكحل
  • 6 - قلّي الحشو على نار هادية حتى يطيب اللحم وخليه يبرد
  • 7 - أقسم العجينة كعابر صغار وحلّ كل وحدة عبّيها بالحشو وسكّرها من أطرافها
  • 8 - رشّ الفطاير بشوية دقيق
  • 9 - ادهن طبق الفور بالزيت وحطّ الفطاير
  • 10 - ادهن وجه الفطاير بالعظمة المركوضة
  • 11 - حطّها في الفور من ربع ساعة الى 20 دقيقة على 400 درجة

نصيحة الشاف

فطاير اللحم الروسية تنجم تكون مفتحات كيما تنجم تقدمها مع السلاطة في الفطور