الوصف

من بلاد متوسطية مزيانة وكوجينتها كلها منفعة وفيانة، جبنالكم سلاطة خفيفة وتقليدية، سلاطة الباتنجال اليونانية.



المقادير

  • 1 كيلوغرام باذنجان
  • 1 كعبة بصل
  • 2 راس ثوم
  • 2 كعبة طماطم
  • 1 مغرفة صغيرة قارص
  • 1 فنجان زيت زيتونة
  • 1 ملعقة شاي ملح
  • 1 ملعقة شاي فلفل أكحل

طريقة التحضير

  • 1 - قص كعبات البتنجال على اثنين وجرّحهم من داخل بالسكينة. ملّحها وخليها تستقطر نص ساعة
  • 2 - دخّلها للفور في 180 درجة حتى ليت تولي طرية ونحّي قشرة البتنجال
  • 3 - خلّط الثوم مرحي والبتنجال والطماطم مرحية والزيت والقارص
  • 4 - قص البصل وقلّيه شوية. زيدو فوق الخلطة وفوّحها بالملح والفلفل الأكحل وخلّط
  • 5 - خلّي السلاطة ترتاح في حرارة منخفضة مدة نص ساعة قبل ما تقدّمها

نصيحة الشاف

 

إذا تحب السلاطة تكون طريّة اكثر، طيّب البتنجال بالبخار.

سلاطة البتنجال اليونانية تنجم تزيدها جبن الفتة، كيما تنجم تقدمها مع حاجة مشوية