الوصف

جوقة وتحضير.. قرب العيد الكبير، والمرا التونسيّة حتّى مالسيتروناد تقرالو حساب تحضرو بيدياتها للعائلة والأحباب



المقادير

  • 2 كيلوغرام قارص مقصوص طرنشات
  • 3 لتر ماء
  • 125 غرام سكر
  • 1 باكو سكر فانيليا

طريقة التحضير

  • 1 - حطّ في طنجرة: قارص + ماء وخليها تغلي عالغاز لين القارص يليث
  • 2 - هبط الطنجرة مالغاز وخلي القارص يبرد مليح
  • 3 - (صفّي القارص مالماء وارحيه (خلّي الماء على جنب
  • 4 - خلّط القارص المرحي بالماء إلّي طاب فيه
  • 5 - (صفّي الخليط بالصفاية (انزل مليح بيديك باش القارص يتصفّى مليح
  • 6 - خلّط السيتروناد بعد ما صفيتها بالسكر + السكر فانيليا + ماء (حسب الحاجة) وحطها تبرد في الفريجيدار وصحة وبالشفاء

نصيحة الشاف

إذا عملت كمية كبيرة مالسيتروناد فمة طريقتين للتخزين:
إمّا تفرّغ السيتروناد في ساشيات من غير ما تصفيها، ووقت الحاجة تجبد الساشي وتصفيها في نهارتها وتزيدها السكر وتقدمها
وإلاّ تصفيّ السيتروناد وتعبيها في ساشيات من غير سكر ومن غير ما تزيدها الماء ووقت الحاجة تجبد بالساشي وتحلها في الماء والسكر وتقدمها