الوصف

بنة الماكلة كي تبدى عالخفيف... وشنوة أبنّ من سندويتش بابيني يعمل الكيف؟.. مالة خوذ الفكرة وذوق بنتها وأعطيني رايك في لحظتها



المقادير

  • 1 مغرفة صغيرة زيت
  • 1 رشة ملح
  • 1 مغرفة كبيرة مايونيز
  • 100 غرام جبن مقصوص
  • 1 رشة فلفل أكحل
  • 1 مغرفة كبيرة هريسة
  • 1 كعبة بطاطا مقصوصة
  • 1 مغرفة كبيرة (مغرفة سلاطة (حسب ذوقك: فلفل + طماطم + خس
  • 100 غرام دجاج
  • 1 مغرفة كبيرة خميرة الخبز
  • 500 غرام فارينة
  • 1.5 كأس ماء دافئ

طريقة التحضير

  • 1 - خلّط في صحفة: فارينة+ خميرة + ملح + ماء (بالشوية بالشوية) لين تولي عجينة طرية
  • 2 - خلّي العجينة تخمر مدّة نص ساعة
  • 3 - طيب الدجاج في: ماء + شوية زيت + رشة ملح + رشة فلفل أكحل
  • 4 - قسم العجينة بالطول: (خبيزات صغار) وخليها تخمر مدّة ساعة
  • 5 - قص الدجاج الطايب مكعبات متوسطة
  • 6 - صفّف الخبيزات في طبق وخليهم يطيبو في الفور 15 دقيقة
  • 7 - أقلي البطاطا
  • 8 - حلّ الخبيزات بالكعبة وحطّ الحشو متاعك: هريسة + مايونيز + سلاطة + دجاج
  • 9 - السندويتش حضر وباش يولّي بانيني حطّو في الماكينة الخاصة بالبانيني وانزل عليها
  • 10 - زيد الفريت مع السندويتش بانيني وصحة وبالشفاء

نصيحة الشاف

كان ما عندكش ماكينة البانيني في الدار ما تتقلّقش، حطّ السندويتش في مقلى وانزل عليه بغطاء يكون أصغر مالمقلى