الوصف

كانك مغرومة بالحلو، ومع القهوة تحب مورسو قاطو، جرّب كايك بالقارص من صنع يديك، وهذي الوصفة هديّة منّي ليك



المقادير

  • 100 غرام زبدة
  • 3 كعبات عظم
  • 1 كأس سكر
  • 1 باكو سكر فانيليا
  • 1/4 مغرفة صغيرة ملح
  • 2 كيسان فارينة
  • 2 مغارف صغار خميرة قاطو
  • 2 مغارف كبار عصير قارص

طريقة التحضير

  • 1 - أركض السكر + الزبدة + السكر فانيليا
  • 2 - زيد العظم بالكعبة بالكعبة من غير ما تقص على الرّكضان
  • 3 - خلّط الفارينة + الخميرة + الملح وخليهم على جنب
  • 4 - زيد القارص لخليط العظم وعاود أركض
  • 5 - صب خليط الفارينة فوق العظم بالشويّة بالشويّة من غير ما تقص على الركضان
  • 6 - صب الخليط في قالب وحطو في الفور مدة 45 دقيقة وصحة وبالشفاء

نصيحة الشاف

حطّ طرونش قارص في الماء قبل ما تشرب، واستمتع بفوائد كبيرة لبدنك كيما التخلص مالدهون وتنشيط الدورة الدمويّة