الوصف

تبارك الله على كوجينتنا كل شيء فيها بنين، وتبارك الله عالتونسية عمرها ما تحير، باللوبيا  تعمل مرقة وتصنّف طاجين، وتنجّم زادة تجرّب سلاطة لوبيا خضراء وتقول لجارتك خذاتها منين



المقادير

  • 50 غرام تن
  • 1 رشة ملح
  • 1 رطل لوبيا خضراء
  • 1 راس بصل
  • 3 كعبات طماطم
  • 2 مغارف كبار خل
  • 6 مغارف كبار زيت زيتونة
  • 1 كعبة عظم مسموطة

طريقة التحضير

  • 1 - قص أطراف اللوبيا وفوّرها باش تولّي طريّة
  • 2 - قصّ الطماطم مكعبات
  • 3 - قصّ البصل مكعبات
  • 4 - حطّ المكونات الكل في صحفة: لوبيا مفورة + طماطم + بصل وخلطهم في بعضهم
  • 5 - خلّط في صحفة صغيرة: الزيت + الخل + الملح
  • 6 - صب خليط الزيت فوق السلاطة وحركهم في بعضهم, زينها بالتن والعظم وصحة وبالشفاء

نصيحة الشاف

تنجّم تسمط اللوبيا في عوض ما تفوّرها