الوصف

على خاتر تدللّ صغيراتك في فطور الصباح، وتحب تحلّي القعدة في العشوية، جرب كايك بالياغورت الخفيف، مورسو مع كاس الحليب وإلاّ مع القهيوة يخليك عاملة كيف



المقادير

  • 1 باكو خميرة قاطو
  • 2 كيسان سكر
  • 2 كيسان فارينة
  • 1/2 كأس زيت
  • 2 كعبات ياغورت طبيعي
  • 3 كعبات عظم
  • 50 غرام (فاكية مرحية حسب اختيارك (لوز، بوفريوة، فستق
  • 1 باكو سكر فانيليا

طريقة التحضير

  • 1 - حطّ في صحفة: سكر + ياغورت وأركضهم مليح وخليهم على جنب
  • 2 - نحّي أبيض العظم على جنب وخوذ الفص الأصفر وحدو وأركضو مليح
  • 3 - صب فوق أصفر العظم خليط الياغورت + الزيت وأركضهم مليح
  • 4 - خلّط في صحفة: فارينة + خميرة + سكر فانيليا + الفاكية
  • 5 - زيد لمزيج العظم الفارينة بالشوية من غير ما تقص على الركضان
  • 6 - أركض أبيض العظم في الخلاط لين ينفّج وزيدو للخليط وأركضو
  • 7 - صب الخليط في قالب وحطو في الفور مدّة 30 دقيقة وصحة وبالشفاء

نصيحة الشاف

كيّل بحكّة الياغورت باش يبدى الحكار صحيح وزيد لمعلوماتك إلّي أبيض العظم كيف تزيدو للخليط ما يحبّش برشة تحريك