الوصف

يا حسرة على أيام زمان، كيف كان كلّ شيء دياري، والمرا الزمنيّة تقوم مالفجاري، تبل خبزتها وتحميلها الطابونة، وما يطلع الصباح كان ما الخبز العربي حاضر، خبيزة مفوحة بالسينوج تاكلها سخونة



المقادير

  • 1 مغرفة صغيرة ملح
  • 1 فنجان زيت
  • 1/2 باكو خميرة خبز
  • 1 كيلوغرام سميد متوسط
  • 1 مغرفة كبيرة بسباس
  • 1 مغرفة كبيرة سينوج
  • 250 غرام فرينة

طريقة التحضير

  • 1 - شوية ماء دافي وخليها دقيقتين
  • 2 - حطّ في صحفة كبيرة: سميد+ فارينة+ملح + زيت
  • 3 - (زيد الخميرة + الماء (بصفة تدريجية ومن غير ما تقص على التخليط
  • 4 - كي تولي عندك عجينة غطيها بالمنديلة خليها تخمر في بلاصة دافية مدة ساعة
  • 5 - زيد للعجينة: سينوج + بسباس واعجن العجينة بيديك مرة أخرى
  • 6 - قسم العجينة لكورات صغار, وادهن كل خبزة بالزيت وعاود خليها ترتاح مدّة ربع ساعة
  • 7 - (احمي الطابون مليح (سخّن الطابونة
  • 8 - خوذ كرة العجينة وحلها بيديك المدهونين بالزيت لين تولي خبزة مدورة
  • 9 - نقّب الخبز بالفرشيطة مالفوق
  • 10 - بلّ الخبزة بشوية ماء مالجيهتين ولصقها في الطابونة
  • 11 - خرّج الخبز بعد ما لونو ولى مذهّب وصحة وبالشفاء

نصيحة الشاف

لازمك تعس عالخبز خاتر كيف يطيب يطيح، وباش تكون الخبزة محمّرة مالجهتين، إقلب الخبزة وركّحها على الحجر الموجود وسط الطابونة
وبالنسبة للّي ما عندهاش طابونة عربي في الدار، تبّع نفس الوصفة وطّيب في الفور، بالطبيعة بعد ما يسخن، وتصفف الخبز في طبق