الوصف

بنّة الماكلة في وصفتها.. وصحفة كسكسي بلحم الراس ما فماش في بنتها.. صحيفة مفوحة والخضرة زينتها، تودّها كلّ مرا تونسيّة لعائلتها



المقادير

  • 1 مغرفة كبيرة هريسة
  • 2 مغارف كبار طماطم
  • 1/2 فنجان زيت
  • 100 غرام فول منفّخ
  • 100 غرام حمص منفّخ
  • 3 روس بصل
  • 2 قرون فلفل أخضر
  • 2 طروف خرشف مقصوصين
  • 1 روس كرنب
  • 1 طرف قرع أحمر
  • 2 كعبات قرع أخضر
  • 2 روس لفت
  • 2 روس سفنّارية
  • 2 كعبات بطاطا
  • 1 راس علّوش
  • 500 غرام كسكسي
  • 1 مغرفة كبيرة فلفل مرحي
  • 1 رشة ملح
  • 1 رشة فلفل أكحل
  • 1/2 مغرفة صغيرة كركم

طريقة التحضير

  • 1 - قص راس العلوش على 4 وقليه في: زيت + ملح + 1 راس بصل مقصوص جويّد + فلفل أكحل
  • 2 - زيد للمقفول: طماطم + هريسة + فلفل مرحي + كركم
  • 3 - أرمي الفول + الحمص وحرك المقفول وصبلو الماء وخليه يغلي
  • 4 - إمرق المقفول بالماء وحطّ الخضرة إلّي عندك: بطاطا + بصل + قرع + سفنّارية + لفت + كرنب + قرع أخضر + خرشف
  • 5 - حطّ الكسكاس فوق المقفول وبثبث الكسكسي بشوية زيت + ماء وخليه يتفوّر
  • 6 - أرمي القرع الأحمر في المقفول وخليه يطيب
  • 7 - عاود بثبث الكسكسي بالماء وحطّو يتفوّر مرة أخرى
  • 8 - أرمي قرون الفلفل في المقفول
  • 9 - هبّط الكسكسي وفركو و بعد سقيه بشوية المرقة وخليه يشرب
  • 10 - عاود سقي الكسكسي وحطّو في الصحفة وزينو بالخضرة ولحم الراس وصحة وبالشفاء

نصيحة الشاف

كيف تبثبث الكسكسي بالمرقة ما تحركوش باش ما يعجّنش وخليه على جنب يشرب المرقة متاعو لين يشيح قبل ما تعاود تسقيه المرة الثانية