الوصف

يا سعدنا يا هنانة.. العام الهجري الجديد جانا.. وباش يكون العام خفيف، عشاء البنزرتية صيحة برغل بالقديد تعمل الكيف



المقادير

  • 1 رشة ملح
  • 1 رشة فلفل أكحل
  • 6 فصوص ثوم مرحي
  • 1 مغرفة صغيرة كمون
  • 1/2 رطل قديد شايح
  • 1 مغرفة كبيرة فلفل مرحي
  • 3 مغارف كبار زيت زيتون
  • 250 غرام برغل
  • 100 غرام فول منفّخ
  • 100 غرام حمص منفّخ
  • 1 راس بصل مقصوص جويّد
  • 1 مغرفة كبيرة هريسة
  • 2 مغارف كبار طماطم معجونة

طريقة التحضير

  • 1 - قلّي في طنجرة: زيت + قدّيد + بصل
  • 2 - زيد للطنجرة: حمص + فول + برغل
  • 3 - إمرق الطنجرة بالماء وخليها تغلي لمدة 30 دقيقة على نار هادئة
  • 4 - فوّح الطنجرة: الطماطم المعجونة + الهريسة + فلفل أحمر + كمون + رشّة ملح + فلفل أكحل+ ماء (حسب الحاجة) وخليها تطيب
  • 5 - كي يخثر البرغل هبّط الطنجرة مالغاز وصحة وبالشفاء

نصيحة الشاف

بنّة البرغل كيف تعصر عليه شوية قارص وصحّة وبالشفاء