الوصف

ما بين الفور والفريجيدار حضّر كايك جيلي في الدار... مورسو بارد وخفيف تاكل منو في فطور الصباح وفي العشوية عليه تعمل الكيف



المقادير

  • 1.5 كأس فارينة
  • 1.5 كأس سكر أرطب
  • 6 كعبات عظم
  • 1 مغرفة صغيرة بيكينخ بودر
  • 1 مغرفة صغيرة عصير ليمون
  • 1 باكو سكر فانيليا
  • 4 باكوات جيلي
  • 1 باكو كرام شانتي

طريقة التحضير

  • 1 - أركض في الخلاط: عظم + فانيليا+ سكر (زيد السكر بشوية بالشوية) + عصير القارص
  • 2 - (زيد فوق الخليط: بيكينخ بودر + فارينة (زيادة الفارينة بصفة تدريجيّة
  • 3 - صبّ الخليط في طبق وحطّو في الفور تحت درجة حرارة 180
  • 4 - خرج الطبق مالفور وخلّي الكايك يبرد ومن بعد قصّو على 3 طبقات
  • 5 - أعمل فرشة جيلي في الطبق وخليه في الفريجيدار لين يتماسك في بعضو
  • 6 - خرج الطبق مالفريجيدار وحطّ طبقة كايك + فرشة جيلي
  • 7 - أعمل فرشة كرام شانتي وحطّ الطبقة الثانية مالكايك
  • 8 - عاود نفس العملة: جيلي + كرام شانتي + جيلي + طبقة ثالثة كايك + الكمية إلّي بقات مالجيلي
  • 9 - حطّ الطبق في الفريجيدار ليل كامل وأبدى نهار من غدوة بمورسو الحلو في فططور الصباح وصحة وبالشفاء

نصيحة الشاف

نقّب طبقات الكايك بالفرشيطة وقتلي تحطهم في الطبق باش جيلي يدخل وسطها وتولّي طريّة