الوصف

الاحتفال بالهجرة النبويّة عادة مالعادات التونسيّة... أما كلّ جهة وعادتها.. كيما العادة الجربيّة وين تعرضك ريحة المحمص بالقديد.. تهنّيك براس العام الجديد..



المقادير

  • 1/2 مغرفة كبيرة فلفل مرحي
  • 1/2 مغرفة كبيرة كروية
  • 1 مغرفة كبيرة هريسة
  • 1 مغرفة كبيرة طماطم معجونة
  • 4 فصوص ثوم مهرّس
  • 2 مغارف كبار زيت قدّيد
  • 25 غرام عدس منفّخ
  • 100 غرام حمص منفّخ
  • 100 غرام فول منفّخ
  • 200 غرام محمص
  • 1/2 رطل قدّيد
  • 1 رشة ملح
  • 1 كعبة عصبان مسموطة في الماء

طريقة التحضير

  • 1 - غلّي في طنجرة ولمدة ساعة: ماء+ حمص + فول + عدس
  • 2 - قلّي في طنجرة أخرى: زيت القديد + القديد + طماطم + هريسة + فلفل مرحي + ملح + ثوم + كرويّة
  • 3 - صب الفول والعدس والحمص الطايب في طنجرة القديد وامرقها بالماء وكي تغلي زيدها كعبة العصبان
  • 4 - زيد المحمص للطنجرة وخليها تطيب مدّة 20 دقيقة
  • 5 - المحمّص بالقديد حاضر كول منّو مادام سخون وصحة وبالشفاء

نصيحة الشاف

كي تحطّ المحمّص في الطنجرة صبو بالشوية بالشوية ومن غير ما تقص على التحريك باش ما يعجّنش