الوصف

الحوت بأنواعو بنين... أما أحسن بنّة في كعبة حوت ورقة بانيه... تحضيرها ساهل تقدمها لعائلتك الذواقة وكل خير تستاهل



المقادير

  • 2 طروف حوت ورقة
  • 2 كعبات عظم
  • 4 مغارف كبار فارينة
  • 4 مغارف كبار شابلور
  • 1 مغرفة صغيرة كمون
  • 1/2 لتر زيت
  • 1 رشة ملح
  • 1 رشة فلفل أكحل

طريقة التحضير

  • 1 - فوح الحوت بالكمون + الملح + فلفل أكحل
  • 2 - فقّص العظم في صحفة وأركضو مليح
  • 3 - غطّس الحوت في الفارينة من بعد في العظم وآخر حاجة في الشابلور
  • 4 - سخّن مقلى الزيت وصفف فيها طروف الحوت وخليه يطيب مدة درج
  • 5 - قلب الحوت باش يتحمّر مالجيهتين

نصيحة الشاف

تنجّم تعمل مع الحوت شويّة فريت وسلاطة خس وصحّة وبالشفاء