الوصف

قلة الماكلة وسوء التغذية تنجم تعمل أضرار بالبدن من غير ما نفيقو، من بينها نقص الحديد، وباش تحافظ على توازنك ننصحك بفمّ شربة سخون إلّي يهظّم الماكلة ويعطيك طاقة كبيرة 



المقادير

  • 50 غرام زبدة
  • 1 راس بصل مقصوص
  • 1 مغرفة صغيرة ثوم مرحي
  • 1 مغرفة صغيرة كركم
  • 1 مغرفة صغيرة ملح
  • 1 مغرفة صغيرة فلفل أكحل
  • 1 كعبة بطاطا مقصوصة
  • 1 كعبة سفنارية مقصوصة
  • 100 غرام كرام فراش
  • 200 غرام عدس

طريقة التحضير

  • 1 - قلّي: زبدة + بصل مقصوص
  • 2 - زيد معاهم: ثوم + كركم + ملح + فلفل أكحل
  • 3 - صبّ فوقهم الماء وخلي الطنجرة تغلي
  • 4 - زيد فوقهم: بطاطا + سفنارية
  • 5 - زيد للطنجرة العدس بعد ما تطيب الخضرة إلّي رميتها
  • 6 - باستعمال الخلاط: ارحي الشربة الي طابت وزيد فوقها الكرام فراش

نصيحة الشاف

المعروف إنّو الطنجرة كيف تغلي تفيض، وهذا يتسبب في توسيخ الغاز والطنجرة مالبرة... هذاكة علاش نقلّك حطّ مغرفة ماللوح وسط الطنجرة وهي فوق النار