الوصف

خلي فطورك في الصباح خفيف.. يشهّي الصغيرات ويعمل الكيف.. وباش تحضّر طاولتك عالصباح أعمل كايك باللوز وارتاح



المقادير

  • 20 غرام لوز مقشّر ومهروش
  • 4 كعبات عظم
  • 1 باكو سكر فانيليا
  • 125 غرام سكر أرطب
  • 10 غرام فارينة
  • 125 غرام فارينة قاطو
  • 65 غرام لوز مرحي
  • 10 غرام زبدة
  • 1 رشة ملح

طريقة التحضير

  • 1 - أركض مليح: أصفر العظم + السكّر لين يولّي الخليط أبيض
  • 2 - زيد فوق الخليط اللوز المرحي + السكر فانيليا من غير ما تقصّ على الركضان
  • 3 - صبّ فوق الخليط فارينة القاطو وخلّطهم مليح
  • 4 - أركض في صحفة أخرى: أبيض العظم + رشة ملح لين ينفّج
  • 5 - زيد أبيض العظم للخليط وحركو بالشوية
  • 6 - سخّن الفور تحت درجة حرارة 150
  • 7 - ذوّب الزبدة في قالب عالي ورشو بالفارينة
  • 8 - صبّ الخليط في القالب ودخّلو للفور مدّة 35 دقيقة
  • 9 - كايك اللوز حضر، أعمل فوقو رشّة لوز مهروش وصحّة وبالشفاء

نصيحة الشاف

على قد ما يكون أبيض العظم منفّج على قدّ ما الكايك يجي خفيف وبنين، شرط إنّك ما تحركوش برشة وقتلّي تزيدو للخليط