الوصف

بنّة البيتزا ما تتنساش.. وصغارك سؤالهم عليها ما يوفاش.. مالة أعمل بيتزا كالزوني لصغيراتك وأعطي الوصفة لحبيباتك



المقادير

  • 500 كيسان فارينة
  • 1 باكو خميرة خبز
  • 1 مغرفة صغيرة ملح
  • 1 مغرفة صغيرة سكر
  • 1.5 كأس ماء دافي
  • 1/4 كأس زيت زيتونة
  • 1 كأس صلصة البيتزا
  • 100 غرام جبن موزاريلا
  • 100 غرام جمبون
  • 50 غرام تن
  • 50 غرام زيتون أكحل مقصوص
  • 1 قرن فلفل أخضر مقصوص طرنشات

طريقة التحضير

  • 1 - خلط في صحفة صغيرة: خميرة + سكر + ماء وخليهم على جنب درج من زمان
  • 2 - خلّط في صحفة كبيرة: فارينة + ملح
  • 3 - أعلم حفرة وسط الفارينة وصب: خليط الخميرة + الزيت
  • 4 - خلط المكونات في بعضها لين تولّي عجينة
  • 5 - أدهن العجينة بشوية زيت مالفوق وعاود اعجنها وخليها مدّة ساعة في بلاصة دافية
  • 6 - اقسم العجينة على زوز طروف وحل كلّ طرف وحدو بالقلقال في شكل دورة متساوين
  • 7 - حطّ الطرف الأوّل في طبق مدهون بشوية زيت
  • 8 - أعمل فرشة صلصة بيتزا + فرشة جبن + فرشة طرنشات الفلفل + زيتون + جمبون + تن
  • 9 - غطّي البيتزا بطرف العجينة الثاني ونقبها بالفرشيطة
  • 10 - رشّ البيتزا مالفوق بشوية جبن مرحي وحطها في الفور تطيب

نصيحة الشاف

باش تصفّي التن مالزيت حطو في كسكاس واعصرو باش يستقطر الزيت الّي فيه الكلّ وصحة وبالشفاء