الوصف

المرا الذكيّة وإلّي عالمصروف تخممّ.. حتّى مالبريوش البايت تكمبسلو وفيه تتفنّن.. وباش تفهم الحكاية شنوة هذي وصفة بريوش بيردي الحلوة



المقادير

  • 80 غرام شكلاطة طوابع مبشورة
  • 2 كعبات بريوش بايت مقصوصين طرنشات
  • 1 كأس حليب دسم
  • 2 كعبات عظم
  • 60 غرام زبدة
  • 4 مغارف كبار سكر أرطب
  • 2 مغارف كبار سكر محوّر
  • 1 رشة قرفة

طريقة التحضير

  • 1 - أركض العظم + سكر أرطب + القرفة
  • 2 - زيد الحليب للخليط من غير ما تقص على الركضان
  • 3 - غطّس طرنشات البريوش في الخليط
  • 4 - ذوّب الزبدة في المقلى على نار هادئة
  • 5 - أدهن طرنشات البريوش بالزبدة مالجيهتين
  • 6 - رشّ الشكلاطة المبشورة فوق البريوش وهو سخون
  • 7 - حطّ كلّ زوز طرنشات بريوش فوق بعضهم وقصهم مثلثات ورشهم بالسكر المحور

نصيحة الشاف

استعمل حكاكة الجبن باش تتحصّل على شكلاطة مبشورة وصحة وبالشفاء