الوصف

كان ماعندكش في ادار زهومة وشاهية مقرونة بلومة نسمة كوزين ما تخليكش مهمومة :



المقادير

  • 3 مغارف كبار طماطم
  • 1 مغرفة كبيرة فلفل زينة
  • 1 مغرفة صغيرة هريسة عربي
  • 5 قرون فلفل بر لعبيد
  • 1 قرن فلفل أخضر
  • 100 غرام زيتون أكحل
  • 100 غرام جبن مرحي حلو
  • 100 غرام تن
  • 4 أوراق رند
  • 1 طرف حبق
  • 1/2 راس ثوم
  • 1 مغرفة صغيرة راس حانوت
  • 1 رشة فلفل أكحل
  • 1 مغرفة صغيرة ملح
  • 1 رطل مقرونة
  • 1 فناجن زيت

طريقة التحضير

  • 1 - في طنجرة تحط شوية زيت وتزيد عليه (الطماطم+الهريسة+فلفل الزينة+ملح+فلفل أكحل +الرند) تحلهم بشوية ماء وتخليهم يتقلاو مليح
  • 2 - ترحي الثوم مع راس الحانوت وتزيدهم للطنجرة بعد ما تمرقها بالماء وتزيد معاهم لحبق
  • 3 - تخلي الصوص طيب سلة سلة و فاللخر ترمي قرن الفلفل بعد 5 دقائق طفي عليها
  • 4 - قبل ما تحضر الصوص ب 15 دقيقة تصمط المقرونة متاعك في الماء والملح و ورقة رند باش يحضرو فرد وقت
  • 5 - تخلط المقرونة مع الصوص وتزيد عليها التن والزيتون والجبن وفلفل بر لعبيد مقصوص

نصيحة الشاف

تنجم تزيد مغرفة صغيرة سكر للصوص وهي اطيب باش تنحي القروصية متاع الطماطم.. و صحة وبالشفاء