الوصف

كي نقولو عيد كبير، نقولو المشوي، المرقة حلوة، الكمونية، وجتى العصبان المخلطّ بشوية ليّة.. وعز العائلة في العيد كيف تتلم على شقالة كسكسي بالعصبان مغطيّة



المقادير

  • 2 روس بصل
  • 100 غرام حمص
  • 200 غرام قرع أحمر أو أخضر
  • 4 كعبات سفنَاريا
  • 4 كعبات بطاطا
  • 1 كيلوغرام كسكسي
  • 2 كعبات عصبان
  • 2 مغارف صغار ملح
  • 2 مغارف صغار فلفل أحمر
  • 1 مغرفة صغيرة فلفل أكحل
  • 1 كعبات طماطم
  • 2 مغارف كبار طماطم معجونه
  • 2 قرون فلفل
  • 2 فناجن زيت

طريقة التحضير

  • 1 - نبل الكسكسي بالزيت والماء ونخليوه على جنب
  • 2 - في مقفول كبير قليّ: الزيت + البصل + الطماطم + الفلفل أحمر + الملح + الفلفل أكحل مع العصبان + الماء
  • 3 - نحط الكسكسي في كسكاس يتفور فوق المقفول وغطيه
  • 4 - كيف تغلي المرقة حطّ الخضرة وخليها تطيب مدة ساعة ونص
  • 5 - امرق الكسكسي بالمرقة
  • 6 - حطّ الخضرة والعصبان مالفوق

نصيحة الشاف

باش تزيد الماء للكسكسي قبل ما يطيب فيها حكمة، إذا الكسكسي دياري محضرتو مالعولة، كيف تجي تطيبو صبلو الماء، وكان شارية باكوات ما عليك كان تبثبثو تبثبيث بالماء من غير ما تكثّر