الوصف

في الشتاء وإلاّ في الصيف.. الجلبانة بالعلوش مرقة مشتهية وتعمل الكيف.. تحضيرها ساهل لا فيه تعب ولا مجهود.. ماكلة بنينة تعلمناها مالجدود



المقادير

  • 400 غرام لحم علوش مقصوص
  • 250 غرام جلبانة مفصصة
  • 2 كعبات طماطم مقصوصة
  • 1 قرن فلفل
  • 1/2 راس بصل مقصوص
  • 2 مغارف كبار طماطم معجونة
  • 1 مغرفة كبيرة فلفل أحمر
  • 4 مغارف كبار زيت زيتونة
  • 1 مغرفة صغيرة كركم
  • 1 رشة ملح
  • 1 رشة فلفل أكحل

طريقة التحضير

  • 1 - قلّي اللحم في الزيت + البصل لمدة 10 دقائق
  • 2 - زيد فوقو: الملح + الفلفل الأكحل + الكركم.
  • 3 - حطّ الطماطم المعجونة + الفلفل الأحمر + كاس ماء
  • 4 - أرمي الطماطم وزيدها الماء وخليها تغلي مدة 20 دقيقة
  • 5 - أرمي الجلبانة في الطنجرة وخليها تغلي 10 دقائق
  • 6 - آخر حاجة تزيدها هي الفلفل وبعد درج طفّي الغاز

نصيحة الشاف

للّي يحب يعرف الماكلة ويلمّ شوية معلومات، نقلو الجلبانة تقوي البصر وتزيد في البروتينات