الوصف

إلّي يشوفها يقول عليها ماكلة عجيبة وغريبة.. مخلطة غلة بالفاكية واللحم في تحضيرها صعيبة.. وهي في الأصل ماكلة تونسية زمنية.. يعرفوها كباراتنا وديما مشتهيّة... ويقول عليها ماكلة البلديّة



المقادير

  • 1 مغرفة صغيرة شوش الورد
  • 500 غرام لحم كتف العلوش
  • 200 غرام مشماش شايح
  • 200 غرام زبيب
  • 200 غرام عوينة شايحة
  • 200 غرام لوز أبيض
  • 200 غرام قسطل
  • 150 غرام سكر
  • 1 مغرفة صغيرة قرفة
  • 1 مغرفة صغيرة كركم
  • 1 رشة ملح
  • 3 مغارف كبار زيت

طريقة التحضير

  • 1 - قصّ اللحم طروف متساوية وفوحو بالملح + القرفة + شوش الورد + كركم
  • 2 - حط الزيت في طنجرة وقلي اللحم لمدة 5 دقائق
  • 3 - حط فوقهم القسطل + الماء وخليها تغلي مدة 50 دقيقة من غير ما تنسى تحرك الطنجرة كل شوية
  • 4 - زيد فوقهم: العوينة الشايحة + المشماش الشايح + الزبيب + اللوز
  • 5 - بعد درجين حطّ السكر وخلي الطنجرة تغلي لمدة 5 دقائق

نصيحة الشاف

للّي ما يعرفش شوش الورد، نقلو إلّي هو ورد طبيعي يشيح بعد مدّة من وقت يقطفوه، وكيما نستعملوه من بين أفاحات الماكلة، انجموا زادة نستعملوه ماسك للبشرة وإلاّ الشعر